VOV4.K’ho- Mho ngai 25/9, Củ tịc lơgar ồng Nguyễn Xuân Phúc bal mờ mpồl kwang đơng lam bồ kâp dờng lơgar Việt Nam neh tus ƀlàng rơndeh par Haneda, Tokyo, lơgar Nhờk, sơn đờm ală broă lơh tàm dơ̆ tus bal dơ̆ bơyai lơh ies, tơp ƀồc kâp dà lơgar Thủ tướng Nhờk lài do ồng Shinzo Abe.

Củ tịc lơgar ồng Nguyễn Xuân Phúc tus ƀlàng rơndeh par dunia Haneda, Tokyo

Jat broă lơh, Củ tịc lơgar ồng Nguyễn Xuân Phúc mờ Mpồl kwang bàng kâp dờng lơgar Việt Nam geh tus bal dơ̆ bơyai lơh ies, tơp ƀồc kâp dà lơgar Thủ tướng lài do ồng Shinzo Abe; tìp mat cribơyai broă mờ Thủ tướng Nhờk ồng Fumio Kishida; tìp mat Củ tịc Hạ viện, Củ tịc Thượng viện Nhờk; tus bal dơ̆ wă bơh Bơtau lơgar Nhờk dê wă kwang atbồ mpồl ală lơgar; wă Củ tịc Mpồl tam klac Nghị sĩ lơh bơyô Nhờk- Việt Nam mờ Thủ tướng lài do ồng Yoshihide Suga; tìp mat kwang atbồ 2, 3 càr, ƀòn dờng; tìp mat ală đại sứ Nhờk tàm Việt Nam lài do; tìp mat 2 gah mờ kwang đơng lam bồ 2, 3 lơgar tus bal dơ̆ bơyai lơh ies, tơp ƀồc kâp dà lơgar; tìp mat Củ tịc Hội đồng câu Âu; ala mat cau geh bồ tơngoh bơsram sră lơgar Việt Nam geh pơn rơ jak tàm lơgar Nhờk.

Cau mblàng K’Duẩn