VOV4.K’ho- Mho ngai 16/9, tàm Hìu lơh broă Củ tịc lơgar, Củ tịc lơgar ồng Nguyễn Xuân Phúc wă ală cau jak chài dunia tus bal Pơrjum dunia “Jak chài, nùs nhơm mờ bơtàu tơnguh kòn bơnus” tàm càr Bình Định tàm Broă lơh “Tìp mat Việt Nam” dơ̆ 18.

  Củ tịc lơgar ồng Nguyễn Xuân Phúc at tê chờ gờm ală cau jak chài dunia tus bal broă lơh “Tìp mat Việt Nam”

Ala mat Dà lơgar mờ làng bol Việt Nam, Củ tịc lơgar ồng Nguyễn Xuân Phúc gờm chờ 51 nă cau jak chài dunia tus bal Pơrjum “Jak chài, nùs nhơm mờ bơtàu tơnguh kòn bơnus”, geh ală broă lơh jak chài tă pơgồp ai dà lơgar mờ dunia in. Bal mờ hơ̆, Củ tịc lơgar kung cih dờp bơta lơh ngan pơgồp bal bơyai lơh geh cồng nha Pơrjum bơh Broă lơh “Tìp mat Việt Nam” mờ Mpồl tam klac Nghị viện dunia, Ƀộ Khoa họk mờ Kông nghệ, càr Bình Định, Viện kơlôi sơnơng bơtàu tơnguh lơgar Tây tàm Việt Nam. Pơrjum là dùl broă kuơmàng gơ ơm tàm ròt ală broă lơh bơh Ƀộ Khoa họk mờ Kông nghệ dê, lơh jat Nam dunia jak chài kuơmàng tài bơtàu tơnguh kơ̆ kơljap bơh Liên hợp quôk ring bal lồi nam 2021 mờ UNESCO yal ngan ngồn tàm nhai 7 nam 2022.

Cau mblàng K’Duẩn