VOV4.K’ho- Ngai 05/8, tàm Hìu lơh broă Củ tịc, Củ tịc lơgar ồng Nguyễn Xuân Phúc neh wă Đại sứ Nam Phi mò Vuyiswa Tulelo, Đại sứ lơgar Saudi Arabia ồng Mohammed Ismaeil A.Dahlwy, Đại sứ lơgar Bỉ ồng Karl Hendrik Margareta Van Den Bossche yal sră pơyua dà lơgar.

Wă Đại sứ Nam Phi mò Tulelo, Củ tịc lơgar ồng Nguyễn Xuân Phúc đơs nền, Việt Nam git nền Nam Phi là “Lơgar lơh broă bal mờ bơtàu tơnguh” kuơmàng tàm tiah do. Củ tịc lơgar kơp kờñ 2 gah pơn jat tai jơh nùs pơgồp bal mờ tàm dong kờl bal mờ gơp tàm ală cribơyai uă lơgar. Việt Nam tŭ lơi kung rơcang dong kờl Nam Phi sơlơ tơnguh lơh broă bal mờ ASEAN; kơp kờñ Nam Phi dong kờl mờ pơgồp bal jơh nùs tàm broă tơnguh lơh broă bal đah Việt Nam mờ câu Phi tàm Mpồl tam klac câu Phi.

Wă Đại sứ lơgar Saudi Arabia, ồng Ismaeil A.Dahlwy, Củ tịc lơgar ồng Nguyễn Xuân Phúc đơs nền, gơ wèt mờ Việt Nam, Saudi Arabia là dùl tàm ală lơgar lơh broă bal lơh sa, kă bro, bơcri priă khà dùl tàm tiah Trung Đông mờ kơp kờñ ồng Đại sứ geh dong lơh sa 2 gah gơguh pràn rlau tai.

Cau mblàng K’Duẩn