Wă Mpồl git gơp lơh bơyô Hàn Quôk - Việt Nam  bơh ồng Kim Joon, Củ tịc Mpồl lam bồ, Củ tịc lơgar ồng Nguyễn Xuân Phúc đơs nền, tơngai 30 nam do bulah ờ jŏ, mơya git gơp 2 lơgar neh lơh geh uă cồng nha tơl làm, là lơgar lơh broă bal khà dùl bơh gơp dê, là rùp lơh krơh lài lơh broă bal tàm git gơp dunia, broă lơh bal tàm ală gah bè bơcri priă, kă bro, nhơl chờ, lơh broă.

Củ tịc lơgar kơp kờñ mờ pin dờn mpồl geh pơn jat tai lam lài, ngui niam gơnoar broă lơh tờm bè cribơyai broă mờ lơgar ndai làng bol; sơlơ tơnguh git gơp lơh broă bal uă gah, pơn jờng ală mpồl lơh sa kă bro Hàn Quôk sơlơ tơnguh lơh broă bal bơcri priă, kă bro mờ Việt Nam; pơgồp bal dong kờl mpồl bơtiàn 200 rbô nă cau Việt Nam tàm Hàn Quôk, ngan là hìu bơnhă ală ùr Việt Nam bau mờ cau Hàn Quôk.