VOV4.K’ho- Mho ngai 13/05, tàm Hìu duh broă Củ tịc, Củ tịc lơgar ồng Nguyễn Xuân Phúc wă Ƀộ trưởng Ƀộ Quôk phòng lơgar Indonesia ồng Prabowo Subianto. Củ tịc lơgar đơs niam ngan cồng nha cribơyai broă đah 2 Ƀộ trưởng Ƀộ Quôk phòng Việt Nam mờ Indonesia mờ chờ hờp sền gŏ bơta gĭt gơ̆p sền gàr dà lơgar đah 2 gah pơn jăt tai bơtàu tơnguh.

Anih bơyai lơh dơ̆ wă

Bàr lơgar geh ală broă lơh sơlơ bơ̆t bơtàu kơ̆ kơl jăp nùs nhơm pin dờn cíñ trị; lơh jăt wil tơl, geh cồng nha mờ geh kwơ ngan ngồn ală sră nggal lơh broă bal neh kĭ, sơlơ lơh broă bal đah ală ling klàng, mpồl ling, ngan là cribơyai sùm, di tŭ pơgồp bal bơsong ală broă gơlik geh tàm dà lềng đah mpồl ling dà lềng mờ kảñ sát dà lềng 2 lơgar dê. Củ tịc lơgar đơs nền, Việt Nam sền dờng màng bơta gĭt gơ̆p mờ Indonesia, lơgar lơh broă bal jŏ jòng kwơmàng khà dùl tàm tiah do mờ sùm tơnguh bơta gĭt gơ̆p mờ lơgar Indonesia bơtàu tơnguh niam bơnĕ, niam sùm, kơ̆ kơl jăp, jŏ jòng, tơl làm tàm ală gah broă: lơh sa, lơngăp lơngai, sền gàr dà lơgar, niam chài, bơto bơtê, nhơl chờ mờ lòt còp bal đah làng bol 2 lơgar dê.

Cau mblàng Lơ Mu K’Yến