VOV4.K’ho- Drim ngai 18/10, tàm Hìu lơh broă Củ tịc, Củ tịc lơgar ồng Nguyễn Xuân Phúc wă Ƀộ trưởng Ngoại giao lơgar Hàn Quôk ồng Park Jin tus còp ngan ngồn lơgar Việt Nam, di dơ̆ tơngkah kir sơn rai 30 nam lơh bơta gĭt gơ̆p cribơyai broă mờ lơgar ndai đah 2 lơgar dê.

Anih tàm dơ̆ pơrjum

Củ tịc lơgar ồng Nguyễn Xuân Phúc jờng rơ Ƀộ trưởng Ngoại giao lơgar Hàn Quôk còp lơgar Việt Nam, lơgar tiah đah Jum mat tơngai lik câu Á sơn rờp, tơnơ̆ tŭ guh at gơnoar broă, mơkung đơs nền Đảng, Dà lơgar mờ làng bol Việt Nam sùm kơ̆p kờñ ai bơta gĭt gơ̆p Việt Nam mờ Hàn Quôk bơtàu tơnguh rlau tai mờ bơta pin dờn uă. Củ tịc lơgar đơs nền Việt Nam sùm là tiah tus lơngap lơngai, kơ̆ kơljap mờ lơh geh tiah ƀuơn ngan ai ală mpồl lơh sa kă broă Hàn Quôk in iang nùs bơcri priă jŏ jòng. 2 gah kung pal pơnđơl pràn lơh ngan lơh geh priă tăc phan mờ lơgar ndai bơh kă bro geh 100 tơmàn dolar Mỹ tàm nam tơnơ̆ mờ 150 tơlak dolar Mỹ tàm nam 2030 jat gùng dà ndrờm bal, tàm hơ̆ Hàn Quôk tơnguh blơi phan tàm lơgar Việt Nam. Ƀộ trưởng Ngoại giao lơgar Hàn Quôk ồng Park Jin tam pà bal ală bơta roh rui gơwèt mờ làng bol Việt Nam pa gơtìp aniai tài bơh mìu càl rbŭt dờng, mơkung đơs ngan Hàn Quôk sùm sền Việt Nam là lơgar lơh broă jŏ jòng bè dong kờl bơtàu tơnguh ODA.

 VOV/K’Hạnh mblàng