Củ tịc lơgar ồng Nguyễn Xuân Phúc gờm chờ Củ tịc Thượng viện lam bồ Mpồl kwang bàng kấp dờng Thượng viện Campuchia còp ngan ngồn lơgar Việt Nam, đơs nền ồng Samdech Say Chhum là cau bơyô rềp mềl bơh lơgar Việt Nam dê.

Anih tàm dơ̆ tìp mat

Ưn ngài Củ tịc lơgar ồng Nguyễn Xuân Phúc lời tŭ tơngai wă, ồng Samdech Say Chhum đơs ngan dơ̆ lòt còp dơ̆ do pơgồp bơnah sơlơ tơnguh rlau tai bơta gĭt gơ̆p ờs mờng niam bơnĕ đah 2 lơgar.

Củ tịc lơgar ồng Nguyễn Xuân Phúc wă Củ tịc Thượng viện lơgar Campuchia ồng Samdech Say Chhum

Yal bè cồng nha cribơyai niam bơnĕ ngan mờ Củ tịc Quôk hội Việt Nam ồng Vương Đình Huệ, ồng Samdech Say Chhum pà gĭt 2 gah neh ai tơlik ală gùng dà broă lơh lơh broă bal đah anih lơh broă lơh adat 2 lơgar tàm tơngai tus; bơh hơ̆ pơgồp bơnah lơh niam rlau tai mờ lơh jrô ơnàng rlau tai lơh broă bal đah 2 anih lơh broă lơh adat. Ồng Samdech Say Chhum kung tơngŏ bơta ưn ngài Việt Nam neh dong kờl Campuchia tàm gơnoar broă là Củ tịc ASEAN nam 2022.