Kung tàm dơ̆ lòt còp kấp dà lơgar tus lơgar Hàn Quôk, drim ngai 5/12, tàm càr lơgar Seoul, Củ tịc lơgar ồng Nguyễn Xuân Phúc neh lời tŭ jiơ wă ală Tập đoàn lam lài lơgar Hàn Quôk gam lam lơh uă rơndap broă dờng tàm Việt Nam.

Wă Củ tịc mơkung là Kwang atbồ dờng đơng lam Tập đoàn CJ, ồng Kyung Shik Sohn, Củ tịc lơgar ồng Nguyễn Xuân Phúc jờng rơ uă ngan Tập đoàn neh lơh jat di ală jơnau hơ bơcri priă tàm lơgar Việt Nam tàm gah broă lơh gơlik phan ngui sa, phan sa phan ròng in, siñ họk, logistic mờ bơta niam chài. Củ tịc lơgar sồr CJ pơn jat tai pờ ơnàng bơcri priă tàm Việt Nam, ai Việt Nam gơ gơs tiah tờm lơh sa mờ kă bro gùt plai ù. Wă Củ tịc Tập đoàn Daewoo E & C Hàn Quôk ồng Jung Won-ju, Củ tịc lơgar ồng Nguyễn Xuân Phúc sồr Daewoo E & C bơcri priă lơh hìu sơnơm dờng tàm Việt Nam. Bal mờ hơ̆ là bơcri priă tàm ală gah phan bơna bơt bơtàu, tiah drà ngăc ngar, drơng broă ai ală mpồl bơcri priă bơh lơgar Hàn Quôk tàm Việt Nam.