Ki ngàm ưn ngài Củ tịc lơgar ồng Nguyễn Xuân Phúc lời tŭ jiơ wă rò, ală cau jak chài lơh sa Asean gờm chờ Việt Nam bơyai lơh geh cồng nha Pơrjum FAEA- 45 nam do, là tŭ niam nàng ală cau lơh sa in cribơyai, lơh kwèng mờ lùp bơsram bơta mờng chài, kung bè cribơyai bè ală tŭ niam mờ bơta lòng bơh rài lơh sa kơnhoàl ù tiah do dê tơnơ̆ tơngai gơbàn kòp dờng Kovid-19 mờ broă lơh nàng ai bơta lòng gơ gơs tŭ tơngai niam.

Ală kwang bàng kung tơlik nùs nhơm kờñ ngan mờ khà gơguh lơh sa bơh lơgar Việt Nam dê mờ lùp bơsram tai uă bơta mờng chài kwơ tàm bơtàu tơnguh wơl, bơtàu tơnguh lơh sa. Đơs tàm dơ̆ wă, Củ tịc lơgar đơs tus ală bơta lòng tàm rài lơh sa gùt plai ù, sồr ală cau jak chài lơh sa Asean bơ̆t bơtàu mờ lơh geh bàr pe jơnau kờñ, broă lơh dờng. Sền gàr ală drà kă bro dunia ring bal, song dơ pă loh làng mờ geh cồng nha mờ jơnau tờm kwơmàng ngan tàm dùl “anih nhơl” gùt plai ù, lài jơh là tàm dơlam is mpồl Asean.