VOV4.K’ho- Mho ngai 27/05, Củ tịc lơgar ồng Nguyễn Xuân Phúc neh wă rò Mpồl cau Hàn Quôk tàm Việt Nam bơh mò Chang Eun Sook, Kwang ătbồ Mpồl lam bồ. Củ tịc lơgar ồng Nguyễn Xuân Phúc đơs sùm bè bơta gĭt gơ̆p niam bơnĕ tơnơ̆ 30 nam Việt Nam mờ Hàn Quôk lơh bơta git gơ̆p lơh broă bal mờ tŭ do gam là lơgar lơh broă bal jŏ jòng.

Hàn Quôk là lơgar geh priă bơcri dờng tàm Việt Nam, kờp bơh lài tus tŭ do geh 80 tơmàn dolar Mỹ mờ rlau 9 rbô rơndăp broă lơh. Tŭ do, geh rlau 200 rbô nă cau Hàn Quôk gam ơm kis, lơh broă tàm Việt Nam. Ai tàm Hàn Quôk den kung geh pơgăp 200 rbô nă cau Việt Nam bơsram, lơh broă mờ ơm kis. Mờ bơnàng jă hơ̆, Củ tịc lơgar kơ̆p kờñ Mpồl cau Hàn Quôk tàm Việt Nam geh uă broă lơh dong tơnguh lơh broă bal đah 2 lơgar tàm uă gah broă lơh.

Cau mblàng Lơ Mu K’Yến