VOV4.K’ho- Mho ngai 24/08, tàm Hìu lơh broă Củ tịc, Củ tịc lơgar ồng Nguyễn Xuân Phúc wă Mpồl kwang bàng Mpồl ơruh pơnu, Đảng Dân củ Tự do lơgar Nhờk bơh Hạ Nghị sĩ ồng Suzuki Norikazu mờ Thượng Nghị sĩ  ồng Sato Kei, at gơnoar bal Kwang atbồ Mpồl Ơruh pơnu, Đảng Dân củ Tự do lơgar Nhờk lơh Kwang atbồ mpồl gam lơh broă tàm Việt Nam.

Củ tịc lơgar ồng Nguyễn Xuân Phúc wă Mpồl Nghị sĩ Mpồl ơruh pơnu, Đảng Dân Củ Tự do lơgar Nhờk

Tàm dơ̆ wă, Củ tịc lơgar ồng Nguyễn Xuân Phúc jờng rơ uă ngan mờ sền dờng màng ală Nghị sĩ kơnòm să Đảng Dân củ Tự do lơgar Nhờk dê neh geh ală bơta gĭt wă jrô ơnàng làm uă ngan bè bơta gĭt gơ̆p bơhiàn yau, nùs nhơm niam bơnĕ đah làng bol 2 lơgar dê. Tơngai tus, Củ tịc lơgar ồng Nguyễn Xuân Phúc sồr Mpồl ơruh pơnu Đảng Dân củ Tự do lơgar Nhờk sơlơ tơnguh tai lơh broă bal Việt Nam mờ Nhờk, ngan là sơlơ tơnguh tai bơta pin dờn cíñ trị, tàm pơgơl mpồl kwang bàng kấp dờng mờ ală kấp lòt còp bal mờ gơ̆p. Củ tịc lơgar ồng Nguyễn Xuân Phúc sồr lơgar Nhờk dong kờl, lơh broă bal mờ Việt Nam tàm uă gah, sơlơ tơnguh lơh broă bal bơtàu tơnguh lơh sa tơnơ̆ kòp dờng, ngan là tàm ală gah broă bơcri priă, kă bro, ODA rài pa, tam gơl pa bơceh lơh, tam gơl sồ mờ tam gơl tơlir.

Cau mblàng K’Hạnh