VOV4.K’ho- Tàm Hìu duh broă Củ tịc, Củ tịc lơgar ồng Nguyễn Xuân Phúc neh wă ồng Bounthong Chitmany, Ủy viên Ƀộ Cíñ trị, Thường trựk Ƀan Ƀí thư Đảng làng bol kac màng Lào, Phó Củ tịc lơgar Lào mờ mpồl kwang bàng kâp dờng Đảng, Dà lơgar Lào gam ơm còp ngan ngồn lơgar Việt Nam.

                               Củ tịc lơgar ồng Nguyễn Xuân Phúc wă Phó Củ tịc lơgar Lào

Củ tịc lơgar ồng Nguyễn Xuân Phúc đơs nền, Đảng, Dà lơgar mờ làng bol Việt Nam sùm jơh nùs sền dờng màng, lơh ngan sền gàr mờ ngai sơlơ bơt bơtàu, bơtàu tơnguh git gơp lơh bơyô dờng màng, tam klac bal kuơmàng mờ lơh broă bal tơl làm Việt Nam- Lào. Bàr nă kwang đơng lam bồ đơs nền jơnau gơtha kuơmàng bơh “Nam tam klac lơh bơyô Việt Nam- Lào, Lào- Việt Nam nam 2022” gơwèt tus mờ broă lơh mblàng yal, bơto bơtê ală rơnàng làng bol, ngan là rơnàng kơnòm să 2 lơgar, bè bơhiàn ờs mờng git gơp kuơmàng rềp mềr, jơh nùs ờ gơtùi tam cah is đah Việt Nam mờ Lào. 2 gah ring bal pơn jat tai lơh ngan tơnguh cồng nha lơh broă bal bơto bơtê mờ bơsram, lơh sơnơm, tìp mat lơh quèng làng bol mờ lơh broă bal đah ală tiah, pơn jat tai pơgồp bal jơh nùs, tàm dong kờl bal mờ gơp tàm ală dơ̆ cribơyai dunia.

Cau mblàng K’Duẩn