Tàm dơ̆ wă, 2 nă kwang đơng lam bồ đơs nền, broă sơlơ tơnguh bơta tàm tơrbŏ bal 2 rài lơh sa Việt Nam mờ Nigeria geh kuơ dờng màng ngan, lơh jat bơta kơp kờñ mờ bơta pràn dờng ngan bơh tơl lơgar dê, pơgồp bơnah tàm bơta bơtàu tơnguh pas sơm bơh 2 lơgar dê. 2 gah ring bal sơlơ tơnguh lơh broă bal kă bro bơh sơlơ tơnguh ală broă lơh hòi jà, lơh gơlik bơta ƀuơn bè mut tàm drà kă bro ai ală bơta phan geh bơta pràn bơh tơl lơgar dê in, mờ Việt Nam là ală bơta phan lơh gơs bơh suơn sre, phan tàm dà, phan ngui sa mờ Nigeria là gar điều lơh gơlik phan, dơm chi mờ phan lơh gơs bơh dơm chi, nhơm chu lơh gơs dà.

Bàr gah ai tơnggŏ bơta kơp kờñ sơlơ tơnguh lơh broă bal bơcri priă, lơh gơlik bơta ƀuơn ai mpồl lơh sa kă bro 2 lơgar in jòi tŭ niam mờ lam lơh ală rơndap broă lơh tàm ală gah geh uă bơta pràn bè gròi sền, tơnhàu mờ tac broă drơng ala nhơm zờu, kông nghệ thông tin…