VOV4.K’ho- Kung tàm mho ngai 21/03/2022 sơl, tàm Hìu duh broă Củ tịc, Củ tịc lơgar ồng Nguyễn Xuân Phúc neh wă rò Thủ tướng Malaysia ồng Dato’ Sri Ismail Sabri bin Yaacob di dơ̆ ồng lòt còp ngan ngồn lơgar Việt Nam. Củ tịc lơgar ồng Nguyễn Xuân Phúc đơs dơ̆ lòt còp geh bơta kwơ dờng màng ngan nàng kờñ lơh geh bơta gơn kơnờm pa bơtàu tơnguh bơta gĭt gơ̆p Tam klăc lơh broă bal jŏ jòng đah 2 lơgar.

Củ tịc lơgar tơngŏ nùs nhơm kờñ ngan bè dùl dà lơgar Malaysia niam bơnĕ mờ pa ngan niam ngan; gờm chờ Malaysia gàr geh khà gơguh GDP nam 2021 geh 3,1% mờ wèt tus pờ mpồng wă rò năc dunia lòt nhơl bơh ngai 01/04 nam do; mờ pin dờn là Cíñ phủ Malaysia geh lơh jăt geh cồng nha Broă rơndăp lơh 05 nam dơ̆ 12, ai lơgar Malaysia gơ gơs là lơgar priă lơh geh uă tàm nam 2025 mờ geh gơnoar broă, bơngă dunia ngai sơlơ uă rlau. Củ tịc lơgar ồng Nguyễn Xuân Phúc sồr bàr lơgar ngui niam ală bơta ƀươn bơh ală hiệp địñ kă bro khăt gơboh bàr gah tus bal, lơh pràn lơh broă bal lơh tơngume lơh sa gơlòt tàm tơngume Mpồl bơtiàn lơh sa ASEAN nàng kờñ bơtàu tơnguh wơl mờ bơtàu tơnguh.

Cau mblàng Lơ Mu K’Yến