Đơs tàm dơ̆ lơh broă, Củ tịc lơgar ồng Tô Lâm pơyua jơnau lùp còp, jơnau nting bơr chờ gờm niam ngan rlau jơh bơh Tổng Ƀí thư ồng Nguyễn Phú Trọng dê tus jơh gùt kwang bàng, cau ling mpồl ling dà lềng. Củ tịc lơgar sồr Mpồl ling dà lềng pal ring bal jơnau git wă bè gơnoar broă, bơta kuơ dờng ngan bơh ling dà lềng dê tàm broă lam lơh Broă rơndap lơh sền gàr dà lơgar tàm bơta pa. Mpồl ling dà lềng pal tơrgùm lam lơh jat geh cồng nha Nghị quyết sồ 44 khoă XIII bè broă rơndap lơh sền gàr dà lơgar tàm bơta pa, ngan là ală bơta kơlôi sơnơng, jơnau git wă pa bè sền gàr dà lơgar; pơlam lơh jat uă gùng dà “kràñ cê, kơ̆ dơn lơh ngan sền kơ̆ lơngap lơngai is, gơnoar tờm, tơrgùm dùl, tơl làm ù tiah, dà lềng, bồt bơlàu, tiah kơl wàng trồ, sền gàr tiah ơm kis ring lơngai, kơ̆ kơljap nàng bơtàu tơnguh dà lơgar”; sùm tơnguh jơnau rơcang ngac, git loh mpồl cau, mpồl lơh broă bal, ală kai bơh ală mpồl sò tơm dê; kràñ cê, kơ̆ dơn tàm broă lam lơh kơnòl broă sền gàr gơnoar tờm dà lềng, bồt bơlàu.