Nting bơr gờm chờ ală cau lơh ƀău jŏ nam di Ngai sră ƀău Kac màng Việt Nam, Củ tịc lơgar đơs nền, ală rơnàng cau lơh ƀău tơnơ̆ do sùm kah tus ală cau lơh ƀău jŏ nam bè ală “jrong tờm”, ală cau neh geh tă pơgồp dờng ngan ai rài sră ƀău kac màng Việt Nam in. Củ tịc lơgar kơp kờñ ală cau lơh ƀău jŏ nam geh uă pràn kơldang, ngac ngar, pơn jat tai đòm jat nùs nhơm kac màng mờ ală mờng chài kuơmàng he dê, tă pơgồp uă rlau tai ai rài sră ƀău dà lơgar in, mờ kung bơto bơtê bơhiàn sră ƀău kac màng ai rơnàng kơnòm să in đòm jat, bơsram, lơh ngan brồ guh.

Ală cau lơh ƀău jŏ nam ngoh rơngac mờ pơn iờ să ngan geh Củ tịc lơgar lùp còp, pơn jờng; mờ kung đơs niam ngan bơta bơtàu tơnguh pràn kơldang bơh dà lơgar dê tàm tơngai lài. Ală cau lơh ƀău đơs nền rơp pơn jat tai đòm jat bơhiàn sră ƀău kac màng, tus bal bơto bơtê rơnàng kơnòm să, jơh nùs tă pơgồp tàm bơta bơtàu tơnguh bơh dà lơgar dê.