Đơs nền, Đảng, Dà lơgar sùm drơng gàr ai ală hìu nhă Việt Nam in, lài kung bè tơnơ̆ mờ gùng dà broă lơh “ờ gơtùi lời cau lơi gơtìp sơrbì is hờ tơnơ̆”, Củ tịc lơgar jờng rơ, đơs niam gơnoar atbồ bal mờ làng bol tàm ƀòn do bè cồng nha neh lơh geh tàm rài kis lơh broă sa mpồl bơtiàn tàm ală nam do, tàm hơ̆ xã Đường Lâm là dùl tàm ală xã lam lài bơh thị xã Sơn Tây dê tàm broă bơ̆t bơtàu ƀòn lơgar pa lam lài tŭ neh lơh gơs 80% khà broă, ờ gam geh hìu rơƀah, làng bol tam klăc, dong kờl bal bơtàu tơnguh tàm dùl mpồl bơtiàn gơguh jăk, ndrờm bal mờ tam klăc bal.

Wèt tus tơnkah uă broă lơh kwơ màng bơh thị xã Sơn Tây dê tàm nam 2024, Củ tịc lơgar pin dờn thị xã Sơn Tây đơs bal mờ xã Đường Lâm đơs is rơ̆p pơn jăt tai lơh geh uă cồng nha dờng rơlao, tam klăc bal bơ̆t bơtàu ƀòn lơgar ngai sơlơ bơtàu tơnguh mờ pas gơs, geh tai uă cau jăk pơgồp bal tàm broă bơtàu tơnguh bal dà lơgar dê.