Tàm dơ̆ lơh broă, Kwang đơng lam bồ ală Ƀộ, gah broă Dà lơgar neh mblàng lơh loh ală bơta ƀươn bơta pràn, cồng nha neh lơh geh bơh càr Trà Vinh dê, mơkung sơñio geh ală bơta kal ke, bơta gơ kòl lơh kơryan bơta bơtàu tơnguh bơh càr dê bè phan bơna bơt bơtàu gùng lòt rê, rơndăp ù tiah anih ơ hò ơm dà lềng mờ rơndăp broă lơh đèng càl.

Đơs pơndŭt pơrjum dơ̆ lơh broă, Củ tịc lơgar ồng Tô Lâm jờng rơ uă ngan ală cồng nha mờ càr Trà Vinh neh lơh geh tàm tơngai pa do. Tàm hơ̆, rơndăp tăp sèng tàm ntrờn niam ngan, bơta pràn gơguh lơh sa 6 nhai bồ nam neh lơh geh rlau 10%, jơnhoa rlau jơh tiah ring dà dờng Cửu Long mờ ơm dơ̆ 6 jơh gùt lơgar. Is ồn, tàm bơt bơtàu ƀòn lơgar pa, Trà Vinh jơh 85 xã lơh sir broă lơh ƀòn lơgar pa. Củ tịc lơgar kơ̆p kờn Cíñ phủ, Thủ tướng Cíñ phủ, ală ƀộ, gah broă sền gròi dong kờl tă bơsong ală bơta kal ke, kòl yan, lơh geh ală bơta ƀươn ngan rlau jơh ai càr Trà Vinh in bơtàu tơnguh rlau tai tàm tơngai tus.