Kwang atbồ lơgar Nga ồng Vladimir Putin jờng rơ uă ngan ală tă pơgồp kwơ màng bơh ală rơnàng cau bơsram dờng lài do lơgar Việt Nam tàm lơgar Nga ai bơta gĭt gơ̆p lơh bơyô bal lơh broă bal bơh yau tàm uă nam do, tơngŏ bơta kơ̆p kờñ ală rơnàng cau bơsram dờng lài do lơgar Việt Nam rơ̆p pơn jat tai là rbàng tàm tơrbŏ bal nàng ală rơnàng kơnòm să Việt Nam in gĭt wă rlau tai bè niam chài, Dà lơgar mờ kòn bơnus lơgar Nga dê. Tàm dơ̆ tìp mat, ală kwang bàng neh đơs ală kir sơnrai uă ngan, nùs nhơm đềt mềr đah làng bol 2 lơgar dê; ưn ngài uă ngan bơta sền gròi, đơng lam uă ngan bơh Cíñ phủ 2 lơgar dê nàng làng bol 2 lơgar in sơlơ gĭt wă rlau tai.

Jat Củ tịc lơgar ồng Tô Lâm, ală bơta tam pà bal bơh ală năc jà dê tàm dơ̆ tìp mat pà gŏ bulah kơnhoàl ù tiah ngài ngan đah 2 lơgar dê, mơya làng bol Việt Nam sùm sền gròi, jat sền lơgar Nga, chờ hờp mờ cồng nha lơh geh mờ bơtàu tơnguh bơh lơgar Nga dê, sùm nting bơr hờn chờ lơgar Nga lơngăp lơngai, pas sơm, bơtàu tơnguh pràn kơl dang.