Ală nam do, Đảng ủy Kwang àng Dà lơgar, kwang đơng lam Ƀộ Kwang àng geh sền gròi ngan tus mờ broă kơnòm dềt, bơ̆t bơtàu hìu nhă kwang bàng cau ling Kwang àng gơboh gơbài, kơl jăp.

Tus tŭ do, geh rơlao 3 rơbô nă kơnòm dềt kòn đời, geh rài kis gơtìp kal ke geh Kwang àng ală mpồl lơh broă, ală tiah dờp sền gàr, dong kờl. Jơh ală kòn ròng, ală kơnòm dềt là kòn kwang bàng, cau ling Kwang àng bơsram sră, bơsram tàp niam, gơlòng sồr, git jơnau mờ mò ồng, mè bèp. Đơs tàm dơ̆ tìp măt, Củ tịc lơgar ồng Tô Lâm sồr ală gah, ƀộ, gah lơh broă, kấp ủy, gơnoar atbồ ală kấp tơrgùm lơh jăt nền nòn, lơh geh cồng nha ală gùng dà broă lơh bơh Đảng, adăt boh lam bơh Dà lơgar bè drơng gàr, bơto bơtê, sền gàr kơnòm dềt mờ ală jơnau kờñ mùl màl ngan, hơ̆ là “Gùt mpồl bơtiàn drơng gàr kơnòm dềt, kơnòm dê ală rài kis lơh broă lơi kung pal geh drơng gàr nền nòn”.