Củ tịc lơgar ồng Tô Lâm đềt mềr lùp còp làng bol, đơs nền, Đảng, Dà lơgar sùm sền gròi tus làng bol lơgar he kis tàm lơgar ndai, dùl mpồl ờ gơtùi tam cah bơh mpồl tam klac dờng jơi bơtiàn, tàm hơ̆ geh mpồl bơtiàn cau Việt Nam tàm lơgar Lào; kơp kờñ làng bol sùm tam klac, lơh jat adat boh lam bơh lơgar he gam ơm kis. Củ tịc lơgar jờng rơ nùs nhơm kờñ gơboh dà lơgar mờ ală tă pơgồp kuơmàng bơh làng bol Việt Nam tàm lơgar ndai dê gơ wèt mờ broă lơh bơt bơtàu mờ sền gàr dà lơgar. Củ tịc lơgar kung sồr ală Anih lơh broă ala mat lơgar Việt Nam tàm lơgar Lào pơn jat tai lơh niam broă lơh gơ wèt mờ cau Việt Nam tàm lơgar ndai, kuơmàng là tàm broă sền gròi, dong làng bol kis gơ rờm bal mờ lam lơh ală broă lơh lơh kơ̆ kơljap, tam klac bal mpồl bơtiàn, kung bè lơh kơ̆ kơljap bơta tàm tơrbŏ bal đah làng bol mờ tàm lơgar.