Củ tịc lơgar ồng Tô Lâm chờ gờm ồng Kohdayar Marri geh pồ lơh Kwang atbồ Anih lơh broă ala măt lơgar Pakistan tàm lơgar Việt Nam. Củ tịc lơgar đơs loh, lơgar Việt Nam sền kwơ bơta git gơ̆p mờ lơgar Pakistan, dùl lơgar geh bơngă cíñ trị kwơ màng tàm tiah Ấn Độ Dương – Thái Bình Dương; pin dờn lơgar Pakistan rơ̆p geh ală broă pơgồp bal kwơ màng ai bơta ring lơngai, kơ̆ kơl jăp tàm tiah do in.

Wă Kwang atbồ Anih lơh broă ala măt lơgar Mozambique ồng Ilundi Dos Santos, Củ tịc lơgar ồng Tô Lâm đơs nền lơgar Việt Nam sùm sền kwơ mờ kơ̆p kờñ tơnguh rơlao tai bơta git gơ̆p lơh bơyô bal ờs mờng mờ lơgar Mozambique, do là dùl tàm ală lơgar lơh broă bal ai lài ngan lơgar Việt Nam dê tàm câu Phi. Wă kwang atbồ Anih lơh broă ala măt lơgar Timor-Leste ồng João pereira, Củ tịc lơgar ồng Tô Lâm pà git, bŭ lah priă kă bro bal đah bàr lơgar dê gam ờ uă, mơya bơta geh tàm broă lơh broă bal đah bàr lơgar gam uă ngan, tàm hơ̆ geh broă lơh broă bal đah lơh sa suơn sre, viễn thông, bơto bơtê mờ bơsram, nhơm jờu… Củ tịc lơgar sồr Kwang atbồ Anih lơh broă ala măt ală lơgar dê tàm tơngai lơh broă bơh să tờm dê geh pơgồp bal niam mờ ală ƀộ, gah lơh broă tàm lơgar Việt Nam nàng lơh pràn rơlao tai bơta git gơ̆p đah bàr lơgar dê.