Tàm dơ̆ wă, Củ tịc lơgar đơs nền, Việt Nam mờ Ấn Độ geh bơta git gơp lơh bơyô ờs mờng kơ̆ kơljap geh Kwang đơng lam bồ mờ làng bol 2 lơgar bơt bơtàu tàm nđờ jơt nam do, mờ tŭ do neh gơ gơs là lơgar lơh broă bal jŏ jòng tơl làm geh gơnoar broă mờ bơta kuơ dờng ngan tàm broă lơh mờ lơgar ndai bơh gơp dê.

Kwang atbồ anih lơh broă ala mat lơgar Ấn Độ tàm lơgar Việt Nam đơs nền rơp pơn jat tai lơh ngan sơlơ tơnguh tai bơta git gơp 2 lơgar, tềng đap mat là rơcang ai ală dơ̆ lòt còp mờ tìp mat kwang bàng kâp dờng tàm tơngai tus, lơh niam rlau tai lơh broă bal sền gàr dà lơgar, lơh sa – kă bro, jak chài – măi mok, niam chài – lòt nhơl mờ rề ơnàng tai tus ală gah pa. Cribơyai bè ală broă tàm tiah do mờ tàm dunia, Củ tịc lơgar sồr 2 lơgar pơn jat tai pơgồp bal jơh nùs tàm ală dơ̆ cribơyai uă lơgar, tă pơgồp tàm broă gàr kơ̆ kơljap ring lơngai mờ bơtàu tơnguh tàm tiah câu Á – Thái Bình Dương mờ Ấn Độ Dương.