Củ tịc lơgar ồng Tô Lâm đơs nền, lơgar Việt Nam sùm sền dờng màng gĭt gơ̆p lơh bơyô ờs mờng mờ lơh broă bal uă bơta mờ lơgar Belarus neh geh Kwang đơng lam bồ mờ Làng bol 2 lơgar dê lơh gơs bơh rài Liên Xô kung bè geh pơn jăt tai chồl tơngguh tàm rlau 30 nam do kờp bơh tŭ 2 lơgar lơh gĭt gơ̆p cribơyai broă mờ lơgar ndai tàm nam 1992; đơs nền, lơgar Việt Nam sùm sền Belarus là cau bơyô, cau tam klăc lơh broă bal pin dờn, sền dờng màng bơta dong kờl bơh làng bol lơgar Belarus dê neh lời ai lơgar Việt Nam in lài do, jơh nùs lơh ngan pơn jăt tai tơngguh tai lơh broă bal uă bơta mờ lơgar Belarus.

Tơm bơh bơr bè lơh broă bal tàm ală mpồl ală lơgar mờ cribơyai uă lơgar, Củ tịc lơgar ồng Tô Lâm mờ Kwang ătbồ Anih lơh broă ala măt lơgar Kộng hoà Belarus dồ nùs bal 2 lơgar rơ̆p pơn jăt tai pơgồp bal mờ dong kờl bal tàm ală dơ̆ cribơyai ală lơgar mờ kơnhoàl ù tiah de, bè Liên hợp quốc, Mpồl tam klăc bal Lơh sa câu Á- câu Âu tài bơta kwơ bal bơh bàr dà lơgar dê, pơgồp bơnah tàm ring lơngai, kơ̆ kơl jăp mờ bơtàu tơngguh tàm kơnhoàl ù tiah do mờ tàm dunia.