Tàm dơ̆ wă, Củ tịc lơgar ồng Tô Lâm đơs nền, bơtàu tơnguh bơta git gơp mờ lơgar Lo sùm là gùng dà broă lơh ờ tam gơl, bơta sac rơ wah kuơmàng, broă lơh lài ngan tàm gùng dà lơh broă mờ lơgar ndai lơh tờm is, lơh broă uă lơgar, uă gah lơh broă bơh Việt Nam dê.

Ồng Hùng Ba đơs nền, tơnơ̆ tŭ tơn jơh tơngai lơh broă, bulah tàm gơnoar broă lơi, rơp sùm jat sền mờ pơn jat tai tă pơgồp jơh nùs ai bơta git gơp lơgar rềp bal lơh bơyô, mpồl bơtiàn tam pà bal rơnàng tơnơ̆ do Việt Nam mờ Lo geh gơtha dờng màng ngan. Bè broă tàm dà lềng, 2 gah ring bal bơsong niam rlau bơta ờ ring bal, ờ lời broă tàm dà lềng đah mat tơngai lik gơ rềng tus jơh ală bơta git gơp đah 2 lơgar gam bơtàu tơnguh niam bơnĕ, tă pơgồp ai ring lơngai, kơ̆ kơljap, bơtàu tơnguh bơh tiah do mờ tàm dunia dê.