Củ tịc lơgar đơs nền, Asean geh gơnoar broă kwơmàng ngan, là bơnah ờ gơtùi tam cah is tàm gùng dà broă lơh lơh broă mờ lơgar ndai bơh Việt Nam dê. Củ tịc lơgar chờ hờp tềng đăp ală broă bơtàu tơnguh niam bơnĕ ngan bơh bơta gĭt gơ̆p đah Việt Nam mờ ală lơgar tiah đah jum măt tơngai lik câu Á dê tàm broă lơh 2 gah mờ uă gah; Việt Nam neh lơh geh cồng nha ală tơngume gĭt gơ̆p Tam klăc lơh broă bal jŏ jòng mờ Tam klăc lơh broă bal tơl làm mờ jơh ală lơgar tàm mpồl Asean; mờ đơs nền dồ nùs bal mờ kơ̆p kờñ lơgar Timor- Leste rơ̆p gờñ gơgơs là lơgar tàm mpồl wil tơl bơh hìu bơnhă Asean dê.

Củ tịc lơgar kơ̆p kờñ ală Kwang ătbồ Anih lơh broă ala măt lơgar rơ̆p sùm là cau lơh kòn gùng kwơmàng, tă pơgồp uă rlau tai tàm broă chồl tơngguh gĭt gơ̆p lơh bơyô bal, lơh broă bal đah Việt Nam mờ ală dà lơgar tiah đah jum măt tơngai lik câu Á, tàm sơmbăt tê bal bơ̆t bơtàu Mpồl bơtiàn Asean tam klăc, pràn kơldang kơ̆ kơl jăp, mpồl cau tờm bơh ring lơngai, kơ̆ kơl jăp, lơh broă bal mờ bơtàu tơnguh tàm kơnhoàl ù tiah do mờ tàm dunia.