Tàm dơ̆ wă rò, Củ tịc lơgar ồng Tô Lâm tơlik nùs nhơm niam nùs tềng đăp bơta bơtàu tơngguh ngai sơlơ geh cồng nha mờ jrô ơnàng làm uă bơta gĭt gơ̆p Tam klăc lơh broă bal jŏ jòng đah Việt Nam mờ lơgar Bơtau Anh. Nàng kờñ lơh jăt niam ală bơnàng jă lơh broă bal niam bơnĕ đah Việt Nam mờ lơgar Bơtau Anh tàm tơngai tus, Củ tịc lơgar ồng Tô Lâm sồr 2 gah sơlơ tàm pơgơl mpồl kwang bàng lòt còp bal mờ gơ̆p mờ tìp măt ală kâp; lơh pràn lơh broă bal bè kwang àng mờ ling klàng; ai tơl bơta ƀươn ai ală broă lơh lơh broă bal kă bro phan mờ bơcri priă đah mpồl lơh sa kă bro 2 lơgar dê.

Củ tịc lơgar ồng Tô Lâm jờng rơ ngan cồng nha lơh broă bal niam bơnĕ đah 2 lơgar tàm broă bơto bơtê tŭ ngai sơlơ geh uă cau bơsram dờng, kơnòm bơsram Việt Nam bơsram tàm lơgar Bơtau Anh mờ geh uă broă lơh broă bal đah ală hìu bơsram đại họk mờ anih bơto bơtê 2 lơgar dê, mơkung kơ̆p kờñ 2 gah pơn jăt tai lam lơh broă lơh lơh broă bal rơ̆ ru, li la bè niam chài, lòt nhơl mờ tàp pràn să jan nàng kờñ sơlơ tơngguh tai bơta gĭt wă bal mờ gơ̆p.