Củ tịc lơgar ồng Tô Lâm đơs nền Việt Nam sùm sền lơgar Nga là dùl tàm ală lơgar tam klăc lơh broă bal ai lài khà dùl tàm broă lơh lơh broă mờ lơgar ndai bơh he dê, sùm jăt sền broă gơlik geh mờ kờñ lơgar Nga bơtàu tơngguh kơ̆ kơl jăp. Đảng, Dà lơgar mờ Làng bol Việt Nam sùm prăp kah bơta dong kờl dờng ngan, jơh nùs jơh tồr mờ Làng bol lơgar Liên Xô mờ Làng bol lơgar Nga neh lời ai Việt Nam in tàm broă lơh tam dră jòi geh bơta lơngăp lơngai is, tơrgùm dùl dà lơgar lài do, kung bè tàm ală tŭ tam gơl pa, bơ̆t bơtàu mờ sền gàr dà lơgar ngai do.

Củ tịc lơgar ồng Tô Lâm jờng rơ ngan bơta bơtàu tơngguh uă ngan bơh gĭt gơ̆p lơh bơyô bal ờs mờng bơh yau mờ Tam klăc lơh broă bal jŏ jòng tơl làm đah Việt Nam mờ Nga tàm tơngai lài tàm jơh ală gah broă mờ ală broă lơh broă bal, chờ hờp brơn brài bal mờ broă priă lơh geh bơh kă bro phan đah 2 gah tàm tơngai do gơguh uă ngan. Bàr gah kung gam sơl uă bơta pràn nàng sơlơ lơh broă bal, is ồn tàm ală broă bè lơh sa- kă bro phan- bơcri priă, phan bơna, gùng lòt jun pơndiang phan, lòt nhơl, mờ tìp măt lơh kwèng bal làng bol.