Đơs tàm dơ̆ tìp măt, Củ tịc lơgar pơyua jơnau nting bơr gờm chờ tus jơh ală oh mi cau ơruh pơnu lam lài lài do, jơh ală cau tàm mpồl cau ơruh pơnu lam lài lài do tàm jơh gùt lơgar sùm kis chờ hờp, kis pràn, kis gơboh gơbài, pơn jăt tai lơh gơrề pràn kơldang nùs nhơm “ơruh pơnu lam lài” tàm broă lơh bơ̆t bơtàu Dà lơgar Việt Nam. Di tàm dơ̆ Pơrjum rơcăng ai Pơrjum dờng cau ala măt gùt lơgar Mpồl Cau ơruh pơnu lam lài lài do Việt Nam dơ̆ V, tơngai lơh broă bơh nam 2024- 2029, Củ tịc lơgar ồng Tô Lâm kơ̆p kờñ là ală cau tàm mpồl ơruh pơnu lam lài lài do kah sùm mờ lơh ngan jơh pràn lơh jăt jơnau nting bơr lời wơl bơh Wa Hồ dê.

Củ tịc lơgar kơ̆p kờñ ală cau tàm mpồl ơruh pơnu lam lài lài do geh uă broă lơh geh kwơ ngan rlau nàng gờñ bơsong ală broă gam gơkòl tàm broă lơh gơ wèt mờ Ơruh pơnu lam lài lài do, sền hơ̆ là kơnòl, kơnòl broă, nùs nhơm, tơnggŏ nùs nhơm gĭt ưn ngài, kah rơngal jrô ơnàng gơ wèt mờ ală cau neh tă pơgồp dà kơlhề, phi să ai broă lơh dong klàs jơi bơtiàn, tơrgùm dùl dà lơgar, bơ̆t bơtàu mờ sền gàr Dà lơgar in.