Cih tàm pang sră lời kir tềng Anih duh khoai Wa Hồ, Củ tịc lơgar tơlik nùs nhơm rài rài kah ưn ngài broă lơh dờng màng bơh Củ tịc Hồ Chí Minh jăk chài. Bol sao geh bơsram sùm, lơh jăt nùs nhơm, ơnà jăk, broă lơh bơh Wa Hồ dê; Tam klăc lơh ngan “Bơ̆t bơtàu dùl lơgar Việt Nam lơngăp lơngai, tơrgùm bal, khăt gơboh krơi is, lơh tờm mờ pas gơs, pơgồp bal tàm broă di pal ngan tàm broă kăc màng dunia” jăt jơnau lời wơl Wa Hồ dê.

Tơnkah dơ̆ 54 nam ngai Wa Hồ chơ̆t, 54 nam lơh jăt Jơnau lời wơl bơh Wa Hồ dê, kung là dơ̆ nàng gùt Đảng, gùt làng bol mờ gùt ling klàng kah kơlôi mờ ưn ngài broă lơh dờng màng bơh Wa Hồ dê gơwèt mờ jơi bơtiàn lơgar Việt Nam. Do kung là dơ̆ nàng ală kwang bàng, làng bol pơn jăt tai lơh pràn broă bơsram sră mờ lơh jăt ơnà jăk, nùs nhơm niam Wa Hồ dê. Bơh tŭ hơ̆, bơ̆t bơtàu tai nùs nhơm pin dờn mờ kơ̆p kờñ brồ guh bơh jơi bơtiàn dê nàng bơ̆t bơtàu dà lơgar Việt Nam pràn kơl dang, ndrờm bal mờ ală lơgar bơyô tàm gùt plai ù tàm tơnơ̆ do bè jơnau kơ̆p kờñ bơh Củ tịc Hồ Chí Minh dê.