Tŭ do geh mờr 100 rbô nă cau Việt Nam gam ơm kis, lơh broă, bơsram sră tàm lơgar Anh; ơm rah rài tàm làm gùt ală tiah bơh lơgar Anh dê. Nam 2023, tơngkah 50 nam ngai lơh bơta git gơp cribơyai broă mờ lơgar ndai Việt Nam- Anh, Đại sứ quán mờ ală mpồl gam lam lơh uă broă rơndap lơh, broă lơh yal tơnggit Việt Nam tàm London mờ uă ƀòn dờng dờng tàm gùt lơgar Anh.

Tam pà mờ làng bol nùs nhơm ram mhŭ bơh ƀòn lơgar, dà lơgar dê, Củ tịc lơgar ồng Võ Văn Thưởng đơs là, broă lơh bơh ală mpồl dê pơgồp bơnah uă ngan tàm broă tơnguh gơnoar broă, bơta kuơ bơh cau Việt Nam dê tàm lơgar Anh. Củ tịc lơgar ồng Võ Văn Thưởng kơp kờñ làng bol Việt Nam tàm lơgar Anh lơh jat adat boh lam mờ kis gơ rờm bal niam rlau mờ lơgar do, pơn jat tai sơrlèt gan kal ke, kòl yan nàng lơh geh tai ală cồng nha tàm pơn jat tai. Kuơmàng, pal gàr sùm kơ̆ kơljap bơta tam klac, tơrbŏ bal mpồl bơtiàn, kah hờ ƀòn tờm, sền gàr bơta niam chài jơi bơtiàn dê.