Tơnơ̆ cồng nha lơh geh niam bơnĕ bơh dơ̆ lòt còp Hìu Yàng Bàp Vatican, tìp măt mờ Bàp Yàng ồng Francis, drim ngai 07/08, Củ tịc lơgar ồng Võ Văn Thưởng neh lòt còp, tìp măt Mpồl duh broă Bàp Yàng Việt Nam tàm Cơldŭ lơh broă Mpồl duh broă Bàp Yàng Việt Nam tàm ƀòn dờng Hồ Chí Minh. Do là dơ̆ sơnrờp, Củ tịc lơgar ồng Võ Văn Thưởng lòt còp Mpồl duh broă Bàp Yàng Việt Nam tàm gơnoar broă Củ tịc lơgar.

Yal bè cồng nha dơ̆ lòt còp Hìu Yàng Bàp Vatican, Củ tịc lơgar ồng Võ Văn Thưởng neh tìp măt mờ Bàp Yàng Francis, lơh broă mờ Thủ tướng Hìu Yàng Bàp- Hồng y ồng Pietro Parolin, geh làng bol dòn Yàng Bàp tàm jơh gùt lơgar sền gròi ngan. Dơ̆ tìp măt đah Củ tịc lơgar ồng Văn Thưởng mờ Bàp Yàng Francis geh lơh jòng rlau pơndrờm mờ jơnau rơcăng lài. Bàp Yàng Francis kung neh hơ pơyua jơnau bơto pơlam mờ pơyua jơnau đơs gơ wèt  làng bol jăt Yàng Bàp Việt Nam.

Bàp Yàng Nguyễn Năng đơs nền, mpồl bơtiàn dòn Yàng Bàp sùm jơh nùs jơh tồr kis niam tàm rài kis, lơh àng sơrdah jơnau yàng, lơh jăt wơl jơnau hòi jà bơh Mpồl duh broă Yàng Bàp, Bàp Yàng dê, ơn pơdơng să jan drơng broă mpồl bơtiàn, ƀòn lơgar mờ dà lơgar in; Mpồl duh broă Yàng Bàp kung kơ̆p kờñ tus bal uă rlau tàm ală gah broă bơto bơtê, lơh sơnơm, rài kis làng bol, tă pơgồp uă rlau tai ai mpồl bơtiàn in.