Tàm dơ̆ cri bơyai, bàr kwang đơng lam đơs nền tus mờ bơta kwơ màng bơh broă lơh pràn broă tam gơl mpồl kwang bàng ală kấp, tàm hơ̆ uă ngan là kấp dờng, bàr gah lơh geh cồng nha ală kơrnoăt lơh broă bal neh geh lài kung bè đah ală ƀộ, gah lơh broă dà lơgar, ală càr, ƀòn dờng nàng tơnguh bơta git wă, pin dờn, ai geh bơta pràn broă lơh bal uă gah broă đah bàr lơgar dê.

Bàr gah ring bal pơn jăt tai pơgồp bal nền nòn mờ kờñ bal tàm ală pơrjum uă lơgar, tàm hơ̆ uă ngan là Liên hợp quốk, Pơrjum kấp dờng bè broă Pơgồp bal lơh mờ ală broă bơ̆t bơtàu nùs nhơm pin dờn tàm câu Á; đơs nền lơgar Việt Nam tŭ lơi kung rơcang tơrbŏ bal nàng lơgar Kazakhstan tơnguh broă lơh bal mờ ală lơgar tàm tiah đah jum măt tơngai lik câu Á dê mờ lơgar Kazakhstan geh là lơgar tơrbŏ bal nàng lơgar Việt Nam tơnguh lơh broă bal mờ ală lơgar tàm tiah tàm gùl câu Á.