Tàm dơ̆ cribơyai broă, Củ tịc lơgar ồng Võ Văn Thưởng đơs nền, lơgar Việt Nam sền dờng màng mờ kơ̆p kờñ tơnguh bơta gĭt gơ̆p mờ lơgar Mỹ bơtàu tơnguh jrô ơnàng lam uă, geh cồng nha, kơ̆ kơl jăp mờ jŏ jòng, jăt tàm bơta pal jăt mờ 2 gah neh dùl nùs ring bal, geh bal ki ngàm adat boh lam dunia, sơnoa boh lam Liên hợp quôk, ki ngàm rài lơngăp lơngai is, gơnoar tờm ù tiah, tơl làm ù tiah dà lơgar mờ rài ătbồ cíñ trị bơh gơ̆p dê.

Nàng pơn jăt tai lơh jrô ơnàng rlau tai gĭt gơ̆p 2 gah tàm tơngume Tam klăc lơh broă bal jŏ jòng tơl ală bơta pa lơh geh, Củ tịc lơgar ồng Võ Văn Thưởng sồr 2 gah pơn jăt tai tơnguh gĭt gơ̆p cíñ trị, cribơyai broă mờ lơgar ndai, ngan là bơh ală dơ̆ tìp măt đah Kwang đơng lam bồ kâp dờng bơh 2 lơgar dê.