Tơnơ̆ dơ̆ wă, 2 nă kwang đơng lam bồ lơh dơ̆ cribơyai. Do là dơ̆ lòt còp lơgar Việt Nam sơn rờp bơh ồng Tokayev dê bơh tŭ guh at gơnoar broă nam 2019, kung là dơ̆ lòt còp lơgar Việt Nam sơn rờp bơh dùl nă Kwang đơng lam bồ lơgar Kazakhstan tàm 12 nam do. Lơgar Việt Nam mờ Kazakhstan tơlik mat bơta gĭt gơ̆p cribơyai broă mờ lơgar ndai tàm ngai 29/6/1992.

Nam lài, 2 lơgar tơngkah kir sơnrai 30 nam lơh bơta gĭt gơ̆p. Bơh tŭ Hiệp địñ Kă bro khat gơboh Việt Nam mờ Mpồl tam klăc lơh sa câu Á- câu Âu (EAEU), tàm hơ̆ geh ală lơgar: Armenia, Belarus, Kazakhstan, Nga mờ Kyrgyzstan geh mut lơh ngan ngồn nam 2016, priă lơh geh kă bro 2 gah Việt Nam mờ Kazakhstan gơguh  kờp bal pơgap 28% dùl nam. Priă lơh geh kă bro đah 2 gah nam 2002 lơh geh mờr 600 tơlak dolar Mỹ. Bàr gah ai jơnau kờñ ai priă lơh geh bơh kă bro phan gơguh 1 tơmàn 500 tơlak dolar Mỹ tàm nam 2030.