Đơs tàm dơ̆ bơyai lơh, Củ tịc lơgar ồng Võ Văn Thưởng pin dờn, Thượng tướng Trịnh Văn Quyết pơn jat tai đòm jat bơhiàn pơn iờ să bơh Ling klàng làng bol Việt Nam dê, lơh gơs jak ngan kơnòl broă dờng màng geh jàu. Đơs tàm dơ̆ jàu kơrnuat, Thượng tướng Trịnh Văn Quyết đơs, rơp lơh jat nền nòn jơnau đơng lam bơh Củ tịc lơgar dê; jơh nùs kơ̆ dơn mờ Đảng, Dà lơgar mờ làng bol; jơh nùs bơsram mờ lơh jat jơnau bơto bơh Củ tịc Hồ Chí Minh dê mờ gơnoar broă bơh cau lơh kwang đơng lam dờng dê: Geh bồ tơngoh jak- Khin cha jak chài- Geh nùs nhơm niam- geh bơngă pin dờn- Song dơpă- Jơh nùs”; pơn jat tai pơn đơl pràn, pơlam tàp, sền gàr nùs nhơm kac màng, tŭ lơi kung rơcang dờp mờ lơh gơs tơl kơnòl broă geh Đảng, Dà lơgar, Ling klàng mờ làng bol jàu.