Đơs tàm dơ̆ lơh broă, Củ tịc lơgar ồng Võ Văn Thưởng đơs tờm, Quân khu 2 là tiah geh ù tiah ơnàng, geh kwơ màng den tàng gơnoar, kơnòl bơh Mpồl ling phào crong Quân khu 2 kwơ màng ngan, glar bòl ngan, tàm hơ̆ uă ngan là tàm bơta tàm dunia, tiah do gơtìp kal ke, tàm lơgar, tàm càr do kung gam di gơlan gơtìp ală bơta ờ niam, ờ git lài.

Ring bal mờ ală kơnòl tờm mờ quân khu neh ai tàm 6 nhai lồi nam, Củ tịc lơgar ồng Võ Văn Thưởng sồr, tơngai tus, ală anih lơh broă, mpồl lơh broă, mpồl ling Quân khu 2 pơn jăt tai git, mblàng, sền wơl mờ yal lài ală bơta gơlik geh, tàm hơ̆ uă ngan là ală bơta gơrềng tus mờ broă sền gàr dà lơgar, bơta lơngăp lơngai tàm tiah do; rơcang lài, di tŭ pơlam mờ Đảng, Dà lơgar, Quân ủy Dà lơgar bal mờ Ƀộ Quốk phòng geh broă lơh di pal, lơh ngan bañ lời gơtìp ờ thàn, ni sơna tàm ală bơta gơlik geh; sền gàr kơl jăp tiah nhàr dà lơgar, gơnoar ù tiah, tơrgùm bal ù tiah Dà lơgar dê.