Củ tịc lơgar sồr càr Bình Phước pơn jat tai kơlôi sơnơng nền ală Nghị quyết bơh Đảng dê bè sền gàr dà lơgar, lơngap lơngai, lơh broă mờ lơgar ndai, pơgồp bal mờ bơtàu tơnguh lơh sa- mpồl bơtiàn; lơh ngan ngồn mờ ală broă rơndăp lơh, broă lơh lơh broă, broă lơh di pal nàng sền gàr kơ̆ kơl jăp gơnoar tờm, kơnhoàl ù tiah, gàr kơ̆ lơngap lơngai dà lơgar, rơndăp tăp sèng, lơngăp lơngai mpồl bơtiàn.

Củ tịc lơgar đơs loh, càr pal lam lơh jăt niam Nghị quyết sồ 27 bè bơt bơtàu mờ lơh sir Dà lơgar gơnoar adat boh lam Xã hội Củ nghĩa Việt Nam di pal mờ bơta geh ngan bơh càr dê. Sền gròi lam lơh jăt adat boh lam niam, ờ tŭ lơi tam gơl; gàr geh bơta sền dờng màng Sơnoa boh lam mờ adat boh lam. Lơh pràn tam gơl pa sền gàr adat boh lam, gàr geh bơta lơh is bơh Anih cah rơña dê jat gơnăp gơnoar cah rơña, cau cah rơña, sền sơwì cah rơña is mờ mìng lơh jăt adat boh lam, Tơrgùm yờ tơnguh bơta pràn jak đơng lam mờ bơta pràn rcang sơndră bơh ală kấp ủy, mpồl Đảng dê, bơt bơtàu mpồl ling phàu crong sàng goh, pràn kơl dang, kơ̆ kơl jăp...