Do là dơ̆ tus còp lơgar Áo sơnrờp ngan bơh Củ tịc lơgar Việt Nam dê tàm 15 nam do mờ là broă lơh tam gơl mpồl Kwang bàng đơng lam dà lơgar sơnrờp ngan đah lơgar Việt Nam mờ lơgar Italia mờ Hìu yàng Bàp Vatinca dê tàm 7 nam do, kung là bơta ai tơngŏ kwơ màng ngan di tơnkah 50 nam crơng gơs bơta git gơ̆p lơh broă bal mờ lơgar ndai mờ 10 nam bơta git gơ̆p lơh broă bal jŏ jòng đah lơgar Việt Nam mờ lơgar Italia dê.

Kung tàm mho ngai òr (23/07), jăt jơ tàm tiah do dê, tơnơ̆ mờ tŭ neh tus Càr lơgar Vienna, Củ tịc lơgar ồng Võ Văn Thưởng neh tìp Đại sứ lơgar Việt Nam tàm lơgar Áo mờ prao Đại sứ lơgar Việt Nam tàm ală lơgar mpồl tam klăc câu Âu (EU) geh bal gùng nhàr dà lơgar mờ lơgar Áo, tàm hơ̆ geh: Đức, Bỉ, Séc, Thụy Sỹ, Hungari mờ Slovakia. Do là broă lơh sơnrờp ngan tàm broă tus còp mùl màl lơgar Áo bơh Củ tịc lơgar dê. Pơn jăt mờ hơ̆, Củ tịc lơgar ồng Võ Văn Thưởng geh wă ồng Alfred Gerstl, Củ tịc Mpồl Lơh bơyô bal đah lơgar Áo mờ lơgar Việt Nam bal mờ ală cau bơyô lơgar Áo dê.