Dơ̆ lơh broă bơh Củ tịc lơgar dê dơ̆ do là broă lơh cribơyai broă mờ lơgar ndai kâp dờng geh kuơ dờng màng ngan, ai gŏ gơnoar broă mờ bơta kuơ bơh lơgar he dê tàm tiah do mờ tàm dunia. Broă Củ tịc lơgar tus bal Dơ̆ guh lơh bơtau bơh bơtau lơgar Anh ồng Charles III dê ai tơnggŏ bơta ki ngàm bơh lơgar Việt Nam dê gơ wèt mờ Hìu bơnhă bơtau lơgar Anh mờ bơta git gơp lơh broă bal kuơmàng đah Việt Nam mờ Anh.

Jat Đại sứ Việt Nam tàm lơgar Anh ồng Nguyễn Hoàng Long đơs, do là dơ̆ lòt còp lơgar Anh dơ̆ 2 bơh Củ tịc lơgar he dê tơnơ̆ mờr 20 nam, tàm tŭ tơngai bơta git gơp 2 lơgar Việt Nam mờ Anh gam ơm tàm tơngai bơtàu tơnguh niam bơnĕ ngan rlau jơh bơh lài tus tŭ do. Kuơmàng, nam 2023, bàr lơgar gam bal mờ gơp tơngkah kir sơnrai 50 nam Ngai lơh bơta git gơp cribơyai broă mờ lơgar ndai mờ uă broă lơh geh kuơ, li la mờ duh hồl tàm uă tiah tàm gùt lơgar Việt Nam mờ lơgar Anh.