Tàm dơ̆ lòt còp ngan ngồn lơgar Việt Nam bơh Kwang atbồ lơgar Kazakhstan dê, drim ngai 22/8, Củ tịc lơgar ồng Võ Văn Thưởng mờ Kwang atbồ lơgar Kazakhstan neh bal mờ gơp jòi git bè 2, 3 bơta niam chài krơi is bơh lơgar Việt Nam dê bơh broă mòn phan ù buh bơh yau tàm ƀòn mòn phan ù buh Chu Đậu, kơnhoàl Nam sách, càr Hải Dương. Jat jơnau đơs bơh Kwang atbồ lơgar Kazakhstan dê, ồng neh lời tŭ jơ nàng jòi git bè niam chài Việt Nam mờ geh git ală phan ù buh do neh geh bơh git nđờ rhiang nam lài, ai tơnggŏ ală bơta niam chài krơi is, ai gŏ rài kis pah ngai kung bè bơta kuơ niam chài kòn bơnus bơh cau Việt Nam dê.

Củ tịc lơgar ồng Võ Văn Thưởng mờ Kwang atbồ lơgar Kazakhstan kung jòi git bè ƀòn lơh broă bơh yau tiơng pơn rơ tàm ù tiah đah tô dà lơgar bơh broă mòn phan ù buh, ai tơngŏ bơta kơp kờñ càr mờ ală nghệ ñân rơp pơn jat tai đềt mềr, sền gàr mờ ngui niam ală bơta kuơ mờ ƀòn lơh broă gam geh tài bơh phan ù buh Chu Đậu là rùp tiơng pơn rơ bơh bơta chài mòn phan ù buh dê cèng bơta krơi is Việt Nam dê, là rùp pơn rơ bơh rài niam chài tiah ring dà dờng Hồng dê.