Tàm jơnau đơs, 2 nă kwang đơng lam bồ ndrờm đơs nền, mờ ală cồng nha pal pơn iờ să ngan tàm lơh broă bal đah 2 lơgar tàm 50 nam do, kuơmàng là bơh cồng nha dơ̆ lòt còp do dê, bơta git gơp đah 2 lơgar rơp bơtàu tơnguh tus khà pa, 50 nam pơn jat tai bơh bơta git gơp 2 lơgar rơp niam bơnĕ ngan. Củ tịc lơgar ồng Võ Văn Thưởng yal wơl ală tềl kuơmàng tàm bơta git gơp đah Việt Nam mờ Australia, đơs nền ờ hềt tŭ lơi bơta git gơp đah 2 lơgar kơ̆ kơljap mờ bơtàu tơnguh niam bè tŭ do, mờ kung đơs niam broă Australia sùm sền gròi, lời ai priă dong kờl ODA ai Việt Nam in, tă pơgồp uă ngan ai bơtàu tơnguh lơh sa- mpồl bơtiàn in, tơnguh niam rài kis bơh làng bol Việt Nam dê.

Kwang ala mat lơgar Australia đơs nền, Australia pơn iờ să ngan geh bơyô, geh lơgar lơh broă bal pin dờn mờ rềp mềr bè Việt Nam. 2 lơgar gam bal mờ gơp lam lơh ngan ngồn broă wèt sền bal tàm tiah Ấn Độ Dương- Thái Bình Dương, là tiah kơ̆ kơljap, pas sơm, tiah mờ gơnoar tờm mờ ală adat boh lam dunia geh ki ngàm.