Củ tịc lơgar ồng Võ Văn Thưởng chờ gờm mò Claudia Arpa geh pồ lơh Củ tịc Thượng viện lơgar Áo. Tơlik nùs nhơm chờ hờp tŭ geh còp mùl màl lơgar Áo di tàm tŭ bơta git gơ̆p đah bàr lơgar gam bơtàu tơnguh niam, Củ tịc lơgar ồng Võ Văn Thưởng đơs tờm, lơgar Việt Nam sùm sền kwơ broă lơh ngan mờ tơnguh bơta git gơ̆p mờ lơgar Áo, ưn ngài nùs nhơm sền gròi, kờñ bal bơh Thượng viện lơgar Áo dê gơwèt mờ broă bơtàu tơnguh lơh sa mpồl bơtiàn mờ tơrgùm bal dunia bơh lơgar Việt Nam dê.

Nàng tơnguh lơh broă bal mpồl tam klăc Nghị viện đah bàr lơgar, Củ tịc lơgar ồng Võ Văn Thưởng hòi jà bàr gah lơh pràn broă tơnguh tam gơl mpồl kwang bàng ală kấp nàng lơh gơguh nùs nhơm pin dờn cíñ trị, ai geh bơta ƀuơn ai lơh broă bal đah bàr lơgar dê, pơgồp bal nền nòn tàm ală pơrjum cri bơyai mpồl tam klăc nghị viện tiah do mờ tàm dunia. Lơgar Việt Nam tŭ lơi kung rơcang lơh kòn gùng nàng lơh pràn lơh broă bal đah Nghị viện lơgar Áo mờ Mpồl duh broă Nghị viện mpồl ASEAN dê.