Kwang atbồ dờng ing IAEA gờm chờ Củ tịc lơgar Việt Nam ồng Võ Văn Thưởng tus còp Hìu lơh broă IAEA dê, tơngŏ bơta sền dờng màng bơh lơgar Việt Nam dê tàm broă lơh broă bal mờ IAEA.

Củ tịc lơgar ồng Võ Văn Thưởng ưn ngài IAEA, tàm tơngai kòp Kovid-19 neh pà ai lơgar Việt Nam in ală phan bơna măi mok, sơnơm tơm ba gah lơh sơnơm, mơkung bơto bơtê, tàm jàu kông nghệ xét nghiệm, bơh hơ̆ dong lơgar Việt Nam rcang sơndră kòp dờng geh cồng nha mờ sơr băc mhar bơtàu tơnguh wơl lơh sa- mpồl bơtiàn. 2 gah ring bal jờng rơ lơh broă bal đah IAEA mờ Việt Nam gam bơtàu tơnguh niam bơnĕ, tàm hơ̆ geh 2 rơndap broă lơh geh ngan ngan bè ngui hạt ñân tàm broă bơsong kòp aniai geh bơh tàm phan poan jơng mờ bơsong ală sồ siă đù tàm dà lềng dờng.