Củ tịc lơgar neh lòt còp mờ tơm boh bơr mờ kwang bàng, cau lơh broă Đại sứ quán Việt Nam, làng bol lơgar he gam ơm kis mờ lơh broă, bơsram sră tàm lơgar Italia. Tŭ do, geh mờr 5 rbô nă cau Việt Nam ơm kis tàm lơgar Italia, geh gơnoar adat boh lam wil tơl, sùm tam klac bal, đềt mềr mờ geh dà lơgar he gam ơm kis đơs niam. Củ tịc lơgar kung kơp kờñ làng bol Việt Nam tàm lơgar Italia gàr kơ̆ bơta niam chài bơh yau cau Việt Nam dê. Pơn jat tai đòm jat bơhiàn tam klac bal, tàm dong kờl bal mờ gơp tàm rài kis, lơh jat niam adat boh lam bơh lơgar he gam ơm kis dê.

Đơs niam ală cau geh bồ tơngoh bơsram sră, cau jak chài, cau lơh sa kă bro, mpồl lơh broă lơgar ndai lời tŭ tơngai kơlôi sơnơng, mblàng yal niam chài Việt Nam, Củ tịc lơgar đơs là, hơ̆ là bơta pal ki ngàm ngan. Ala mat Đảng, Dà lơgar, Củ tịc lơgar ồng Võ Văn Thưởng ưn ngài ală gơp bơyô lơgar Italia đềt mềr mờ lơgar Việt Nam neh sền gròi dong kờl lơgar Việt Nam tàm ală nam do.