Tàm nùs nhơm song dơpă, lơh bơyô mờ sơrmah sơrmài, 2 nă kwang đơng lam bồ neh yal gơp in bè broă tàm tơl lơgar, cribơyai bè gùng dà ai tơlik lài lơh broă bal mờ broă lơh nàng kờñ sơlơ tơnguh rlau tai, lơh niam rlau tai bơta git gơp lơh bơyô ờs mờng mờ lơh broă bal uă gah đah Việt Nam mờ lơgar Kộng hòa Áo. Củ tịc lơgar ồng Võ Văn Thường sồr 2 gah pal pơn jat pơgồp bal jơh nùs, ngui geh cồng nha ală bơta kuơ bơh Hiệp địñ kă bro khat gơboh Việt Nam – EU (EVFTA) dê; tàm hơ̆ geh broă sền sơ wì lơh gơlik bơta ƀuơn ai ală bơta phan tac hờ lơgar ndai geh bơta pràn bơh tơl lơgar dê geh mut tàm drà kă bro gơp dê; lơgar Áo geh broă lơh pơn jờng, lơh gơlik bơta ƀuơn ai mpồl lơh sa kă bro lơgar Áo in sơlơ tơnguh bơcri priă tàm lơgar Việt Nam tàm ală gah geh bơta pràn bè lơh sa mờ măi mok dong kờl ai broă lơh rơndeh oto in, gùng rơndeh ồs, phan lơh sơnơm, sơnơm tơm ba… 2 gah ring bal sơlơ tơnguh ală broă lơh lơh broă bal bè bơto bơtê- bơsram, niam chài- đơs crih tamya, tàp pràn să jan, sơlơ tơnguh ală broă lơh tìp mat lơh kwèng làng bol.

Tơnơ̆ tìp mat cribơyai broă, Củ tịc lơgar ồng Võ Văn Thường mờ Kwang atbồ lơgar Áo neh sền dơ̆ kĭ sră cih kah đah Ƀộ Ngoại giao Việt Nam mờ Ƀộ Ngoại giao lơgar Áo.