Tàm nùs nhơm lơh bơyô bal, bềng nùs nhơm oh mi dùl bồ tơngoh kơlôi sơnơng bal, bàr nă kwang đơng lam bồ neh cribơyai jơh nùs mờ song dơ pă bè ală gùng dà broă lơh, broă dong kờl lơh jơh ală gah broă lơh lơh broă bal. Đơs sùm tàm tŭ bơta tàm dunia mờ tàm kơnhoàl ù tiah do gam gơbàn kal ke bè tŭ do, bàr lơgar sơlơ pal tơnguh rlau tai ală dơ̆ tàm lùp, cribơyai bơta mờng chài, lơh broă bal, tàm dong kờl bal mờ gơ̆p sơrlèt gan ală bơta lòng, kal ke. Jăt mờ hơ̆, bàr nă kwang đơng lam bồ đơs nền tai gùng dà broă lơh ờ tŭ lơi tam gơl bơh jơh bal bàr lơgar dê là sùm sền dờng màng mờ lời bơta ai lài uă ngan rlau jơh ai broă lơh kơ̆ kơl jăp, bơ̆t bơtàu bơta gĭt gơ̆p, lơh bơyô bal dờng màng ngan, tam klăc bal uă ngan mờ lơh broă bal tơl làm đah Việt Nam mờ Lào; pơn jăt tai tơrgùm lam lơh geh cồng nha ală jơnau ring bal kwang bàng kâp dờng đah 2 lơgar dê, kung bè đah ală ƀộ, gah lơh broă tàm dà lơgar mờ ƀòn lơgar; sơlơ tàm lùp broă bè ală broă kwơmàng; lơh pràn tàm pơgơl ală dơ̆ lòt còp, tìp măt kwang bàng kâp dờng mờ ală kâp.