Đơs tàm dơ̆ tìp măt, Củ tịc lơgar ồng Võ Văn Thưởng tơngŏ nùs nhơm chờ hờp mờ kơnòl broă dờng ngan tŭ geh Mpồl Lơh jăt Đảng Dà lơgar, Tổng Ƀí thư ồng Nguyễn Phú Trọng, ală oh mi là kwang bàng đơng lam bồ Đảng, Dà lơgar pin dờn yal tơngĭt sồr pồ mờ Quôk hội pin dờn jàu tŭ bơtuah drơng broă dà lơgar mờ làng bol tàm gơnoar broă Củ tịc lơgar. Củ tịc lơgar đơs sùm tus jơnau sồr, bơta kwơmàng tàm bơta gĭt wă bè gùng lòt bơtàu tơnguh bơh jơi bơtiàn dê, bơh dà lơgar dê, bè ală kơnòl broă mờ jơh gùt Đảng, jơh gùt làng bol mờ jơh gùt ling klàng pal lơh ngan lơh jăt tàm tơngai tus kung bè kơnòl broă dờng ngan tềng đăp Đảng, Dà lơgar mờ làng bol mờ Củ tịc lơgar pal lơh ngan, jơh nùs lơh ngan lơh jăt jăt jơnau cih bơh Sơnoa boh lam dê. Tơlik nùs nhơm jơh nùs ngan kờñ iăt kơno jơnau đơs tă pơgồp, bơ̆t bơtàu bơh làng bol kờñ gơboh dà lơgar dê, Củ tịc lơgar ồng Võ Văn Thưởng kơ̆p kờñ dờp geh ală jơnau đơs tă pơgồp jơnau đơs, jơnau dan jơnau sồr gơlik bơh nùs nhơm, kơnòl bơh kwang bàng, cau jak chài tàm broă lơh ờs mờng bơh Cơldŭ lơh broă Củ tịc lơgar dê gơwèt mờ broă lơh bơ̆t bơtàu mờ bơtàu tơnguh dà lơgar.