Tàm dơ̆ tìp măt, ala măt kwang đơng lam bồ Đảng, Dà lơgar, Củ tịc lơgar ồng Võ Văn Thưởng tơlik nùs nhơm chờ hờp tìp măt mpồl ala măt cau geh màng mờ kăc màng bơh càr Trà Vinh dê, tơngŏ nùs nhơm gĭt ưn ngài uă ngan gơ wèt mờ ală rơnàng cau lòt lài bè ală tă pơgồp, phi să dờng ngan tàm broă lơh dong klàs jơi bơtiàn, tơrgùm dùl dà lơgar.

Đơs nền Đảng, Dà lơgar sùm lơh ngan sền gròi, dong kờl cau geh màng mờ kăc màng, Củ tịc lơgar sồr ală kâp, gah lơh broă, Đảng ƀộ, gơnoar ătbồ càr Trà Vinh pơn jăt tai lơh jăt geh cồng nha,  wil tơl broă dong kờl bơh Dà lơgar dê gơ wèt mờ broă lơh do; pơn jăt tai kờp sền nàng ờ gŏ di lời hŭi siơ̆u cau geh màng mờ kăc màng mờ ờ hềt geh dờp bơta dong kờl bơh Dà lơgar dê, mơya kung ờ gŏ di lời jơnau broă dong kờl ờ di cau. Củ tịc lơgar đơs sùm, broă lơh jăt niam broă dong kờl cau geh màng tàm càr Trà Vinh kung là dùl broă lơh nàng sơlơ tơnguh tai mpồl tam klăc dờng jơh gùt jơi bơtiàn, ngan là tàm càr Trà Vinh geh uă làng bol jơi bơtiàn tă pơgồp dà kơlhề phi să ai kăc màng in.