Chủ tịc Thượng viện lơgar Italia chờ gờm dơ̆ tus còp kấp Dà lơgar bơh Củ tịc lơgar ồng Võ Văn Thưởng mờ Mpồl kwang bàng ala măt kấp dờng lơgar Việt Nam; đơs tờm do là broă tam gơl mpồl kwang bàng kấp Kwang đơng lam dà lơgar sơnrờp ngan đah bàr lơgar tàm 7 nam do, ai geh bơta tơngŏ niam kwơ màng tàm bơta git gơ̆p lơh broă bal đah bàr lơgar dê. Bàr gah ring bal pơgồp bal nền nòn, kờñ bal tàm ală dơ̆ pơrjum ală nghị viện tàm tiah do mờ tàm dunia.

Tàm dơ̆ tìp măt mờ Củ tịc Hạ viện lơgar Italia, Củ tịc lơgar ồng Võ Văn Thưởng hòi jà  lơh pràn lơh broă bal đah ală anih lơh broă adăt boh lam bàr lơgar, tàm hơ̆ geh broă tơnguh broă tam gơl mpồl kwang bàng; kờñ bal gơnoar bơh lơgar Việt Nam lơh tơrbŏ bal broă lơh pràn bơta git gơ̆p đah Nghị viện lơgar Italia mờ Mpồl duh broă Mpồl tam klăc Nghị viện ASEAN. Củ tịc Hạ viện lơgar Italia pà git, broă Hạ viện lơgar Italia kĭ Hiệp định dong kờl bơcri priă đah lơgar Việt Nam mờ mpồl tam klăc câu Âu (EVIPA) di tàm dơ̆ tus còp bơh Củ tịc lơgar dê geh pơgồp bal tàm broă lơh geh ƀuơn ai bơta git gơ̆p lơh broă bal, bơcri priă bal đah bàr lơgar dê.

Kung tàm dơ̆ lòt còp, Củ tịc lơgar ồng Võ Văn Thưởng neh geh dơ̆ tìp mat Kwang atbồ ƀòn dờng Roma ồng Roberto Gualtieri. Củ tịc lơgar ai tơnggŏ bơta kơlôi sơnơng niam tŭ lòt còp Roma, ƀòn dờng niam chài, kah yau, đơs crih tamya mờ bơceh lơh hìu đam tiơng pơn rơ khà dùl dunia; sồr ồng Kwang atbồ ƀòn dờng Roma mờ Mpồl đơng lam bồ ƀòn dờng sơlơ tơnguh lơh broă bal đah tiah Lazio mờ Roma mờ Hà Nội, pơgồp bơnah lơh niam rlau tai uă gah đah 2 lơgar. Củ tịc lơgar sồr 2 gah sơlơ tàm pơgồp bal lam lơh ală broă lơh lơh broă bal tàm gah niam chài phan lời wơl nàng kờñ sơlơ tơnguh rlau tai tìp mat lơh kwèng, yal tơnggit niam chài bơh tơl lơgar, tơl ƀòn dờng dê, bơh hơ̆ sơlơ tơnguh tìp mat lơh kwèng làng bol mờ wă wờng bal mờ gơp.